Кон крајот на јануари беше најавена ексклузивна соработка на Оливија Палермо со козметичкиот бренд Ciate. Според договорот, Палермо имаше за задача да креирање на лимитирана колекција лакови за нокти, како и колекција на декоративна козметика. Сите производи треба да го одржуваат нејзиниот личен стил, по кој всушност и стана препознатлива во јавноста.
После неколку месеци, пристигнаа и првите лакови за нокти. За сега се презентирани три бои и тоа – црвена, која ѝ ја посвети на својата мајка. Како вели Оливија, таа секогаш одбирала елегантни бои за лакови за нокти; коралната нијанса трендсетерката ја посвети на нејзиното омилено летувалиште во Нантакет, каде често го поминува времето, а третата нијанса, розова, ја симболизира смирувачката атмосфера на долг викенд во опуштено издание со нејзиниот сопруг.
И додека ги очекуваме и останатите производи, во продолжение погледнете како изгледаат споменатите три нијанси.