Хит комедијата ,,Обвинителка" со Лидија Вукичевиќ во Скопје

Актерката Лидија Вукиќевиќ која на публиката е позната од сериите ,,Бољи живот", ,,Жикина Династија" и многу други конечно со претставата- комедија ,,Обвинителка" доаѓа во Скопје на 22 септември во Националната опера и балет.

Во оваа хит комедија која ги полни салите ширум Македонија покрај Лидија Вукиќевиќ, играат и актерите: Магдалена Ризова-Черних, Сашо Ристовски и Бранко Атанасов.

Тоа што многумина го посакуваа како театарска претстава веќе имаат можност да го видат на сцената. Комедија без вулгарности, комедија на ситуации со јасно изразени карактери и комедија која третира актулна тематика.

Тоа е комедијата ,,Обвинителка", која дава свој суптилен коментар на денешното време. Преку низата на драмски ситуации актерското трио Вукичевиќ, Ризова и Ристовски со извонредната актерска игра изнудува многу смеа од страна публиката, а со нив во прекрасната епизодна улога е младиот актер Бранко Атанасов.

Како е да се биде бизнисмен? Обвинител или вработен во обвинителство? Кои средства се користат за спас од обвинение? Љубовта и страста што можат да му сторат на еден човек, како е да се плашиш и да живееш во страв дека те прислушкуваат, колку и на што се сме спремни за да побегнеме од одговорност и многу општествени случувања кои се карактеристични на денешното време.Како и многу други прашања, самата претстава го дава одговорот.

Проектот е резултат на Меѓународна соработка помеѓу Република Северна Македонија и Република Србија.

Претставата ,,Обвинителка" е поддржана од: Министерство за култура, Почесен конзулат на Република Србија со седиште во Охрид, НУЦК Центар за култура Штип, НУ Музеј на македонската борба, Компанијата Елена Лука, Тикен Холдинг и НУ Национална Опера и Балет која ја даде целосната поддшка за гостувањето во Скопје.

Во претставата се зборува на македонски и српски јазик. Од продукцијата информираат дека картите се пуштени во продажба по електронски пат, но покрај опцијата за лесно и брзо купување по електронски пат, карти може да купите и во салоните на:

ЛитеретураМК Superstore - City Mall, Литература - Улица Македонија, ЛитератураMK - ГТЦ, ЛитератураMK- Веро Џамбо, ЛитератураMK – Буњаковец, Југотон - ГТЦ 1 кат, Макпетрол Илинденска, Макпетрол Влае, Макпетрол Козле, Гранд Тобако - Тетово, Кафе бар Монако – Тетово, Кафе Агора - Куманово, TA Бран - Прилеп, TA Вис Пој - Охрид, Тобако Вона 5 - Гостивар, ТА Меридијан - Кичево, ТА Сафари - Струмица, Унисон - Велес, Литература - Битола.

Автор: Огнен Неделковски
Режисер: Сашо Ристовски
Сценограф: Крсто Богојевски
Костими: Елена Лука
Музика: Мишел Трајковски