Само неколку дена откако Кели се закани дека ќе го напушти шоуто доколку Џулијана Ренцик не се извини за неприкладните коментари на сметка на косата на Зендаја, Озборн одлучи навистина да го направи тоа.
За потсетување, младата Озборн преку Твитер го изрази своето незадоволство кон нејзината колешка и добра другарка, Џулијана Ренцик, која упати остра и неприкладна критика кон оскаровскиот изглед на Зендаја, особено за суканиците во косата. Ренцик изјави како е сигурна дека косата на актерката и пејачка сигурно смрди на „трева“. На тоа изреагира и самата актерка, по што Џулијана упати јавно извинување.
-Кели Озборн ја напушта E!'s Fashion Police, бидејќи сака да истражи нови можности и ние сакаме да и' се заблагодариме за нејзиниот голем придонес во емисијата во изминативе пет години, колку што беше таа дел од него и кога шоуто стана вистински хит кај публиката“, се вели во официјалното соопштение од продукцијата.
Кој ќе се најде на нејзино место, се' уште не е познато, како што ниту самата Озборн се' уште не се огласува околу конкретните причини поради ваквата одлука.
Ова е навистина тешка година за шоуто. По смртта на Џоанс Риверс во септември, шоуто имаше неколку месечна пауза, по што се вклучија Кети Грифин и Бред Горески, но гледаноста беше далеку пониска од претходно. Првата емисија по паузата не успеа да достигне ниту еден милион гледачи.