Кристијан Диор потпиша партнерство со фондацијата Грејс

Францускиот луксузен бренд кој беше еден од омилените на принцезата Грејс ќе биде еден од главните спонзори на гала вечерите кои фондацијата ќе ги организира во Лос Анџелес, Монако и Њујорк во наредните две години. Со овој договор ќе се испромовира фондацијата која беше основана во чест на принцезата Грејс Кели од нејзиниот сопруг принцот Рене по нејзината смрт, а воедно таа нуди стипендии и помош за стажирање на таленти од областа на уметноста.

Соработката на модниот бренд со кралското семејство не е новитет, а познато е дека дамите се секогаш дотерани во брендирани парчиња. Како знак на пријателство, принцот Алберт и принцезата  Шарлин беа дел од гостите на модното шоу на Кристијан Диор за пролетно – летната колекција за 2014 година во мај.