Во 73-та година од животот, вчера почина познатата британско-австралиска актерка и пејачка Оливија Њутн-Џон, која се прослави со хит мјузиклот „Брилјантин" од 1978 година.
Тажната вест ја потврди нејзиниот сопруг, Џон Истерлинг:
„Оливија Њутн-Џон (73) почина мирно утрово на својот ранч во Јужна Калифорнија, опкружена со семејството и пријателите. Бараме сите да ја почитуваат приватноста на семејството во овој многу тежок период. Оливија беше симбол на триумфот и надежта повеќе од 30 години, споделувајќи го своето патување во борбата против ракот на дојката. Нејзината исцелителна инспирација и пионерско искуство со хербалната медицина продолжува со Фондацијата Оливија Њутн-Џон, посветена на хербалната медицина и истражувањето на ракот", напиша нејзиниот сопруг.
View this post on Instagram
View this post on Instagram
30 години актерката храбро ја водеше битката со ракот на дојка, што за прв пат ѝ беше дијагностициран во 1992 година, а во 2017 откри дека ѝ се вратил и се проширил на 'рбетот. Во меѓувреме, имала и втора дијагноза во 2013 година, но јавноста не дознала за истата.
Оливија Њутн-Џон е четирикратна добитничка на Греми награди, продаде над 100 милиони албуми, а нејзиниот хит од 1981 година „Физикал", „Блиборд" го прогласи за најсекси песна на сите времиња.
Откако ја започна својата лична борба со ракот, ја основаше Фондацијата посветена на истражување и подобрување на процесите на лекување на ракот, а и самата беше голем активист и борец.
Во 2018 година, на 40-годишнината од „Брилијантин" заедно со нејзиниот партнер од хит мјузиклот, Џон Травлота, направија шоу и го изиграа познатиот танц од филмот.
Важеше за една од најубавите актерки што некогаш Холивуд ги имал, а со нејзината улога на Сенди Олсон стана секс симбол на 70-те и 80-те години.