Во пресрет на новогодишните празници потребна ни е доза инспирација за свечени фустани за сите оние забави што ни претстојат.
Последната колекција на брендот La Jupe ќе ве воодушеви и ќе ве остави без здив, а веруваме дека веднаш ќе посакате да ги имате сите фустани во вашиот плакар.
Овој бренд неколку години е синоним за впечатливи и женствени фустани, а зад него се потпишува Сања Дујмовиќ од Мостар.
Инспирацијата за оваа колекција дизајнерката ја пронашла во празниците и целата прекрасна атмосфера што доаѓа со нив, а резултатот е одличен.
Во истата ќе најдете неодоливи фустани изработени од нежна тантела, кадифе, тул и романтични цветни принтови.
Сите фустани се изработуваат рачно по што и брендот е познат, а процесот на шиење е целосно персонализиран, односно фустаните се прават по мерка на секоја клиентка.
Во галеријата погре погледнете ги сите модели од прекрасната празнична колекција на La Jupe.
Инфо и фото: Modamo.info
