Раф Симонс за колекцијата на Диор за пролет -лето 2014 одлучи да игра храбро и си поигра со пропорциите, основите на дизајност и структурите, како и со специфична палета на бои. Имајќи ја предвид сценографијата, моделите шетаа како во цветна градина, што се вклопуваше во разнобојноста на моделите изработени од свила, штрас, материјали со релјефни текстури.
Плисирани фустани, лакирана кожа, сакоа со цветен принт, везови се она што ја претставува оваа колекција насловена како Транс. Но и покрај разбирливото пролетно шаренило, не изостануваа и еднобојни парчиња. Голем број од креациите го содржеа актуелниот тренд - голи раменици, но откриваа и други делови на телото, што на оние похрабрите несомнено ќе им се допадне.
Кога се во прашање модните додатоци, тие се асиметрични и впечатливи.
И покрај големиот различен, Симонс успеа да ги усклади идеите и да направи колекција во која ќе се пронајдат многу жени.
Погледнете.