Заокружете го пролетниот бохо изглед со аксесоари од Манго

Едноставниот пролетен лукбук што го промовираше шпанскиот бренд Манго за оваа сезона изобилува со голем избор на модни додатоци инспирирани од ултра популарниот бохо шик.

Модните додатоци даваат една поинаква димензија на секој изглед, го трансформираат и освежуваат, па токму благодарение на нив и наједноставниот минималистички стајлинг може да добие свое гламурозно издание.

Манго оваа пролет понуди аксесоари кои го носат темпераментот и лежерноста на 70-тите години. Од популарните гладијаторки, до торби со реси, сандали на рамни платформи, очила за сонце, шешири -  се е во знакот на децата на цвеќето.