Нова книга со 125 македонски традиционални рецепти од Dave’s Kitchen

Младиот Давор Панчевски кој неколку години готви вкусни приказни под името Dave’s Kitchen ги израдува неговите обожаватели со прекрасна нова книга со наслов „Најдоброто од македонската кујна“.

Во истата, 25 - годишниот готвач смести вкупно 125 едноставни и вкусни рецепти препознатливи за македонската кујна.

Во неговиот предговор ќе каже дека оваа книга е негов личен проект на кој работел со големо задоволство, а сè што ќе погледнете внатре вклучувајќи ги рецептите, готвењето и фотографиите се негови.

Книгата е во издание на Арс Ламина, а во нивната книжарница Литература.мк денеска се одржа и мини закуска на која авторот ја престави книгата пред медиумите.

Тој ќе каже дека најмногу научил да готви од неговите мајка и баба, кои секогаш му се најголема инспирација.

Книгата е одличен водич за сите оние кои сакаат да готват, а особено се вљубени во македонската традиционална кујна. Во неа ќе најдете супер идеи за појадок, за главни јадења, разни прилози и вкусни зимници и секако, омилените десерти во кои секогаш уживаме.

За сите обожаватели на Dave’s Kitchen и неговите супер вкусни рецепети, официјалната промоција на неговата нова книга ќе се случи вечерва на истото место во 19 часот.