Таа е ултра успешен 60+ професионален модел, а девизата по која се води „Ако не сега, кога"? се покажа како мотив што ја донесе на врвот во модната индустрија и во третата доба од нејзиниот живот.
Германката Колин Хајдеман има 70 години, ја застапува познатата модна агенција „Next models" и е една од најбаранте моделки во модната индустрија, во време во кое сме презаситени од едноличност и клишеа.
Таа е пример за тоа како жената може да остане активна на секое поле, независно од годините, туку од духот, мотивацијата и желбата за личен раст и развој.
Внимава на своето здравје, на својот изглед и на менталната и духовната состојба, а сето тоа како целина ја прави привлечна за модниот свет.
А нејзинот профил на Инстаграм е олицетворение на динамиката на нејзинот професонален живот.
Ќе ја видите во различни изданија, од ексцентрични до женствени и елегантни, секогаш поткрепени со нејзината неодолива харизма и став: Ако не сега, кога?
Фото: Инстаграм