Вивиен Вествуд им даде пиратски дух на познатите училишни чантички

Мајката на панкот Вивиен Вествуд, им даде пиратска преобразба на добро познатите училишни чантички на компанијата The Cambridge Satchel Company и тие изгледаат подобро од кога и да е.

Оваа специјална соработка на компанијата со ексцентричната дизајнерка е во име на петтиот роденден на компанијата за рачна изработка на добро познатите т.н училишни чантички.

Ова е веќе препознатлив печат на Вествуд, со оглед на тоа дека во далечната 1981 година, таа изработи цела колекција со пиратски принтови.

Чантичките, што ги има во две големини и три бои – жолта и црна, бела и црвена и кафена и црна, изгледаат неверојатно со добро познатиот дезен на Вествуд со кривулести линии.

Лимитираната колекција на чантички ќе почне да се продава од 14 Октомври во продавниците на Вивиен Вествуд и бутиците на The Cambridge Satchel Company, а истите ќе чинат од 165 па се до 195 долари во зависност од големината.