Ова е нашата нова симпатија: Ив Сен Лоран сјаеви со четкичка во форма на усни

Мора да признаеме дека веќе долго време не сме виделе ваква колекција на сјаеви за усни! Новата колекција на Ив Сен Лоран за пролет 2014 година ни носи прекрасна палета на висококвалитетни сјаеви со можеби најубавата четкичка на светот и тоа во форма на усни!

Во колекцијата има сјаеви во дури 23 нијанси, а портпаролите на брендот нагласуваат дека овие прекрасни козметички производи се како создадени за бакнување.

Имено, Ив Сен Лоран смисли посебна формула со која покрај тоа што сјаевите изгледаат прекрасно, тие се и многу квалитетни и ги негуваат усните.

Штета е само тоа што оваа колекција нема да биде достапна наскоро, инаку истата би била идеален подарок за новогодишните празници.