„Озборувачката“ Блер во кампања за скандинавски бренд

Скандинавскиот е-бутик Nelly.com слави десет години успешно постоење, а по тој повод и снимањето на пролетната рекламна кампања одлучиле да ја ангажираат актерката Лејтон Мистер.

Најпозната по улогата на младата богаташка Блер во серијата „Озборувачка“, актерката одлучи за момент да ја замени филмската кариера со модна.

„Бутикот Nelly е создаден за млади, забавни и самоуверени девојки и драго ми е што ме сметаат за една од нив. Не размислував многу за тоа дали ќе се впуштам во оваа соработка, затоа што нивната облека е како создадена за мене“, изјави Лејтон, која неодамна се омажи за колегата Адам Бродеј.

Скандинавскиот бренд е мошне популарен меѓу светските модни блогерки, а кампањата е снимана со една вила во Лос Анџелес, украсена со балони.