Кит Харингтон во три нови кампањи на Џими Чу

Кит Харингтон ќе биде заштитно лице на машката линија чевли за есенско/зимската сезона, новиот машки парфем на Џими Чу кој треба да биде лансиран во септември и за новата капсулна колекција очила за сонце „Carrera“.

Според креативниот директор на брендот Сандра Чои, актерот е вистинскиот избор за кампањите бидејќи е спој на внатрешна и надворешна убавина.

„Кит е полн со самодоверба, со мажествен изглед, со смисла за хумор, приземјен и внимателен, односно вистински џентлемен“, вели Чои.

Кампањите ги потпишува Питер Линдберг, кој различните концепти  успеа да ги вметне во една уникатна целина.