WOW и LOL на неделата

За WOW на неделата ја избравме Шарлин Вудли која воодушеви со креацијата на Зухаир Мурад од пред есенската колекција за 2014. Белиот свилен фустан ја истакна телесната структура, а долниот завршеток во сирена форма допринесе за вистински гламурозен изглед. Фустанот имаше впечатливо V деколте, а како дополнителен интересен детаљ беа златните патенти кои се провлекуваа низ ракавите и по должината на фустанот.

За LOL на неделата ја избравме Џенунари Џонс чиј стајлинг малку не збуни. Интересно е кога се прави спој на форми и текстури, но се треба да биде во граница на нормала. Фустанот во делот на горната конструкција беше со геометриски форми, струкот беше нагласен со ремен со златен металик ефект, а долниот дел со асикметрични форми. Целосниот изглед нема никаква целина и тоа не се однесува само на формата ан фустанот, туку и на изборот на модни додатоци за дополнување на изгледот.