Среда во долг капут и топол џемпер
•
24 март 2021
Добро утро. Оваа среда е студена, но за сега барем сончева, што внесува доза оптимизам во секојдневието.
Нашиот предлог за тоа како можете да се стилизирате денеска или пак да ви послужи како инспирација за некој друг ден е комбинација составена од тесни панталони во сива нијанса и топол џемпер со ролка во беж нијанса.
На тоа е додаден долг капут со кариран дезен токму во споменатите две нијанси.
Комбинацијата е заокружена со чевли со принт и чанта со ремен за преку рамо. Вие можете да одберете и ранче или чанта во некоја впечатлива нијанса.
Ви посакуваме убав ден.