Последните неколку сезони еспадрилите се едни од омилените модели на девојките кога станува збор за задолжителни чевли во лето.
Имено, станува збор за чевли кои се неверојатно удобни и лежерни, особено во топлите денови кога посакуваме да не носиме буквално ништо.
Можете да ги носите со голем број на комбинации, без разлика дали станува збор за некоја поелегантна за на работа, или пак некое лелеаво фустанче за на плажа.
Секоја година познатите брендови нудат голем број на нови модерни модели кои ги обожаваме, а тоа е случај и со претстојната топла сезона.
Брендот „Es Par Ta“ чии модели можете да ги најдете ексклузивно преку сајтот Moda Operandi, сезонава ги нуди најслатките модели еспадрили во неколку бои.
Истите можете да ги добиете во црвена и сина боја и неодолив принт во пруги, а големата панделка на средината прави тие да бидат уште попривлечни.
Иако овој мал шпански бренд е релативно нов и непознат, се чини дека токму оваа колекција за брзо време ќе го лансира во ѕвездите.
Она што е особено значајно за овие еспадрили е тоа што се направени од висококвалитетен памук, а секој чифт е рачно доработен во Шпанија.