Дизајнерот Кристијан Лубутан, неодамна претстави лимитирано издание на чевли, а по повод годишнината на онлајн бутикот „Мода операнди“.
Колекцијата е инспирирана од астрологија и е сочинета од два главни модела, рачно извезени, но постои и голем избор на опции за прилагодување.
Покрај 12-те астролошки знакови, купувачите имаат можност да избираат боја – од темносина до темновиолетова со црни сатенски нијанси. Постои можност да се додадат и лични податоци, како иницијали и датумот на раѓање.
Секој чифт чевли е рачно везен во Индија, а завршен во салонот на Лубутан во Париз. Цената се движи околу 2.000 долари, но оние што сакаат да ги купат мораат да остават депозит од 1.000 долари.
-Привлечноста на чевлите на Критијан Лубута е неоспорна, а нивната убавина, како и вештината на дизајнерот ненадминливи. Ние сме воодушевени што ќе ја лансираме ексклузивната колекција инспирирана од астрологија, извор на инспирација што е многу близок и до срцето на господинот Лубутан – вели Дебора Никодим, извршниот директор во „Мода операнди“, во соопштението за јавност.
Колекцијата што вклучува само 45 чифта чевли, ќе биде достапна до 20-ти февруари.
Инаку, неодамна и Луј Витон лансираше колекција инспирирана од знаците во Зодијакот, но за накит насловена како Fortune-Louis Vuitton.