„Порцеланска“ колекција модни додатоци на Долче и Габана

Инспирирани од сицилијанската традиција  и техниката на украсување керамика, двоецот Долче и Габана создаде магична мини колекција аксесоари во сино-бела комбинација, што ја симболизира вечно инспиративната Сицилија.

Оваа техника на украсување на порцелан на Медитеранот е особено почитувана поради прецизноста во сликањето на флоралните детали и другите мотиви на белата површина на порцеланот.  Луксузниот бренд овој мотив го аплицираше на модните додатоци што ја сочинуваат новата мини колекција: еспадрили, сандали и чанти.

Изгледаат совршено и безвременски, како скапоцен порцелански сет.