Гламур и сексапил на црвениот килим од премиерата на „Градот на гревот“

Џесика Алба, Џејми Кинг, Ева Грин, Џејми Чанг беа само мал дел од дамите кои на црвениот килим од премиерата на филмот „Sin City A Dame to kill“ во Лос Анџелес се покажаа во најдоброто модно светло. Тие сосема ги оправдаа улогите во филмот имајќи на себе тоалети од големи дизајнерски имиња и брендови. Џесика Алба избра кралско син фустан од Зак Позен комбиниран со сребрени сандали од Џузепе Заноти и клач чанта во истата нијанса.

Актерката Џејми Кинг пак, воодушевуваше со црна тоалета на Версаче споена со црни сандали од Моник Лулие и накит на Џенифер Фишер.

Ноќта од премиерата на филмот на црвениот килим беше резервирана и за прекрасната Ева Грин која пак се одлучила за зелена тоалета од колекција на Ели Саб од висока мода.

Џејми Чанг како и секогаш шармантна така и овој пат беше во виолетова тоалета на дизајнерката Памела Роланд.

На премиерата во секси издание од фустан комбиниран од тантела и кожа се појави и црномурестата актерка Росарио Досон, креација од ресорт колекција за 2015 година на Ермано Скервино.

Детали од нивните изгледи гледате во продолжение: