Познатиот моден фотограф Марио Тестино беше задолжен да го направи портретот на принцот Вилијам и Војвотката од Кембриџ Кејт, а за странските медиуми откри што се случувало за време на сесијата.
Тој вели дека фотографијата настанала благодарение на спонтани емоции:
„Чекав долго време, можеби час или два, за да ја направам совршената фотографија. Но, не бев сосема задоволен. Кога го завршив снимањето, тие се подготвуваа да си одат и се прегрнаа пред радијаторот. Го земав апаратот и тоа беше фотографијата што ме освои и мене и сите подоцна - беше спонтана емоција... Од фотографијата се гледа дека се комплетно вљубени“, раскажува Тестино.
Инаку, тој и Кејт Мидлтон првпат се запознале во 2008 година и вели дека уште погаш можел да види дека Вилијам е вљубен во неа.
„Знаев дека ќе останат заедно“, тврди Марио.
Тој има долга поврзаност со кралското семејство, а беше задолжен и за дел од најпознатите фотографии од Дајана. И покрај тврдењата дека таа и Кејт си личат, тој го вели спротивното.
„Кејт е преубава во еден поинаков контекст. Од неа зрачи среќа. Удобно и е во нејзината љубов“, вели Тестино.