Омилените парчиња од есенската колекција на Манго

Есенската колекција на Манго, за која Марио Соренти снимаше едиторијал со светски познати имиња, меѓу кои и актерот Оливие Мартинез, ужива огромна популарност.

Парчињата застапени во колекцијата се идентификуваат со она што го диктира уличната мода, па можеби токму ова е одговорот за нејзината актуелност уште пред да започне новата сезона.

Ќе го забележите контрастот помеѓу женствените и сексапилни парчиња и оние предимензионирани, лежерни аутфити омилени во светот на уличната мода.

Актуелни остануваат макси капутите изработени од пријатни и меки материјали, со длабок V отвор, фустаните со карнери, костумите со кариран дезен, како и здолништата во бохо фазон.

Ги селектиравме нашите омилени парчиња од новата есен во Манго.

Фото: Манго