Ова се најубавите кимона за оваа пролет!

Едно од ИТ парчињата оваа пролет дефинитивно ќе бидат шик кимоната! Истите веќе се достапни во понудата на голем број брендови во различни форми, дезени, со реси и со разни прекрасни детали.

Многу од модните куќи не успеаја да одолеат на ресоздавањето на класичното и елегантно кимоно во неговата основна форма, па така, во понудите може да најдете и сосема едноставни, но доволно впечатливи.

Она што е особено прекрасно кај ова парче, е тоа што истото ќе ја разубави и вашата наједноставна комбинација, давајќи и посебен печат и неверојатен шарм.

Едни од најубавите модели оваа пролет се дефинитивно бохо кимоната чија колоритност ќе ви го разубави секој ден.

Модните куќи како Емилио Пучи, Етро и Малбери се само некои од брендовите кои голем дел од своите колекции ги посветија на раскошната Источна култура и прекрасните бои и дезени што се раѓаат токму таму.

Кимоната можете да ги комбинирате буквално со се, почнувајќи од тесни и широки фармерки, здолништа, лежерни фустанчиња, но и елегантни креации.

Без разлика на тоа каков модел да одберете, бидете сигурни дека го имате парчето на сезоната!