Што да облечете денес?

Не дозволувајте ова мрачно утро да ви го расипе расположението кое само што се подобри! Иако денеска немаме сонце, тоа не значи дека не треба комбинацијата да биде свежа и во прекрасни бои! Со оглед на најавениот дожд денеска, клучно парче во целата комбинација се црните гумени чизми што ќе ве заштитат од дождот. Одберете и едноставни фармерки во комбинација со лесна памучна маичка на пруги, а сега е вистинско време и за вашето омилено мантилче во крем боја. Денешниот изглед развеселете го со жолта марама и чанта со животински принт што одлично ќе се вклопи во целата комбинација. Марамата украсете ја со некој интересен брош по ваш избор, а од модни додатоци, денеска единствено ви се потребни вашите омилени прстенчиња!