Што да облечете денес?

Оваа сабота конечно се разбудивме со сонце! По тој повод, решивме да прославиме со неодоливо цветно фустанче што го комбинираме со шармантно сино џемперче со карнери во предниот дел. Обувките денеска се во слатка зелена боја и засега, сосема соодветни за времето. Бидејќи обврските денеска се намалени, без двоумење оваа комбинација надополнете ја со плик чантичка во крем боја и слатки елегантни обетки во неколку бои. Очилата за сонце денеска се задолжително парче, а доколку сѐ уште не се чувствувате храбри за оваа пролетна комбинација, со себе понесете и бела куса јакничка за секој случај!

Имајте прекрасна и исполнета сабота со драги луѓе!