Нов парфем и колекција шминки од Кејт Вон Ди

Таа веќе поседува сопствена колекција декоративна козметика и два парфеми „Sinner“ и „Saint“. Кејт е несекојдневна претставничка на понежниот пол. Обожава да се шара низ телото, а нејзиниот стил е мешавина од бајкерски и емо готик стил. Палетата сенки за очи „True Romance Eyeshadow Palette – Adora“ се продава по цена од 34 долари и е во ограничено издание, а кармините „Adora Painted Love Lipstick“, се по цена од 18 долари.

Посебно внимание привлекува парфемот потпишан од Кејт Вон Ди. Иако критиките не беа баш на нејзина страна за претходните два парфеми, сепак многумина се заинтересирани за „Adora Eau de Parfum“, кој е мешавина од малина, мајчина душица, црна рибизла, зумбул, јасмин, манго и мошус. Шишенцето е исто така дизајниран во дарк готик стил и не се разликува премногу од претходните парфеми. Содржи метални детали кои се инспирирани од уметноста на Алфонс Муха, кој е синоним за Арт Нуво (Art Nouveau). Според Кејт парфемот ја отсликува нејзината романтична страна и наредното подглавје од личниот развој.  Тој може да се купи по цена од 55 долари за пакување од  50 мл. и 19 долари за 10 мл.