Ви се допаѓаат ли машките парфеми повеќе од оние за жени?

Дами, колку пати ви се случило да ве фасцинираат мирисни ноти од некој парфем, а тоа да биде машки. Да, сигурно ќе се согласите дека машките есенции се создадени од појак концентрат, подолго траат и едноставно опиваат со својот мирис. Најверојатно сте се нашле во ситуација да немате парфем и да искористите неколку капки од оној на партнерот, а тоа да биде вистинска арома која ве опила на прв поглед.

Guerlain Vetiver

Денеска решивме да направиме селекција на неколку машки парфеми кои со задоволство ги користат жените. Прв на листата е Guerlain Vetiver во чиј состав доминираат зелените, дрвенасти и егзотични тонови кои ја скокоткаат вашата заводливост. Друг машки парфем кој го обожаваат припадничките на понежниот пол е Chanel No19. Женската верзија на овој мирис е Chanel No.5 , но дамите беа одлучни, машката варијанта е посуптилна, потрајна и потпишана од еден од најпознатите дизајнери во светот.

Chanel No19

Следниот мирис е наменет за сите мажи кои се вистински ентузијасти и кои храбро патуваат низ животот, ама со оглед на фактот дека денес мажите се исто толку рамноправни колку и жените, тогаш дами вистинскиот избор за вас е Terre d'Hermès. Срцевината на парфемот содржи специјални зачини на есенции кои се многу ретки, па така каде и да се појавите ќе плените со свежина и оригиналност.

Terre d'Hermès

На иста бранова мирисна должина е и парфемот Prada Amber кој содржи мирисни ноти за подигање на адреналинот и возбудата. Нешто што сигурно на сите ќе им одговара е да бидат секси, посакувани и недостижни. Станува збор за прекрасни есенции зачинети со цитрусови ноти кои ќе ве пленат на прв поглед.

Prada Amber

Секако дека на листата се најде и стариот добар Old Spice кој во текот на годините се модернизираше како од дизајнерски, така и од содржински аспект. Ако сте вљубенички во ретките цветови со остар мирис, тогаш со сигурност ќе ја сакате оваа варијанта на парфем. Од друга страна пак, класика си е класика, а уште подобро ако содржи нова формула која ќе ве вивне во облаци.

Old Spice