Објавени се финалистите за CFDA наградата

Избраните среќници се дел од финалето за една од најпрестижните модни награди која на победникот ќе му обезбеди шанса за пласирање рамо до рамо со светски познатите дизајнерски имиња.

Имињата на финалистите беа објавена на свечена вечера организирана во ресторанот „The Oculus“,  а победникот исто така ќе добие и парична награда во износ од 300. 000 долари. Годинешните финалисти се: Брет Хејман, Даниел Кориган и Џејк Сергент, Ева Зукерман, Гиги Бурис, Метју Орли и Саманта Флоренс, Натали Леви и Грант Крајецки, Пол Ендру, Рајан Роша, Тања Тејлор и Вес Гордон.

Избраните финалисти треба да поминат уште неколку тестови, меѓу кои е и претставувањето на модна недела во Лос Анџелес во октомври. Победникот ќе биде објавен на свечена манифестација на 3 ноември.