Креативниот македонски дизајнер Ристо Бимбилоски има нова, одлична ready to wear колекција за сезоната есен-зима 2014/2015.
Во колекцијата се содржани урбани парчиња како комбинезони со ултра модерни принтови, здолништа до колена, плетеници како апсолутен хит за следната сезона, но и одлични тесни и широки панталони што совршено се комбинирани со креативни блузи, свилени кошули и совршено скроени палта.
Дизајнерот и овојпат е во чекор со трендовите, па во неговата колекција не почести и со неколку тренди металик парчиња како кусите здолништа, супер фустанчиња и широки панталони.
Што се однесува до боите, дизајнерот се одлучил есента да ја пречека во неколку нијанси на црвена, зелена, прекрасна виолетова и секако, неизбежните пастелни.
Сите парчиња се изработени во неговата родна Македонија, односно во Охрид каде и се наоѓа неговата семејна текстилна фабрика.
Сите парчиња од есенската, мистична бајка на Бимбилоски може да ги видите во продолжение и уште еднаш да се уверите во неговиот огромен талент.