Идеи како да ја усогласите косата со капата

Еден од омилените зимски додатоци се капите, кои можат да се најдат во сите облици. Капите веќе одамна не се само заштита од студенилото, туку и моден детаљ со кој го дополнуваме и истакнуваме нашиот стајлинг.

Но, најчестата причина поради кои жените се одлучуваат да не носат капа, иако би сакале, е тоа што не можат да ја усогласат фризурата и косата откако ќе ја симнат капата им е несредена или „сплескана“.

Кога носите капа и во затворен простор, а притоа не сакате да ја симнете од главата, добар пример за тоа како треба да изгледате и Бијонсе. Под волнената капа, пејачката ги стилизираше прамените со помош на опавче на страна, испрекинато со две ластичиња.

Тоа е еден од начините.

Стилот кој соодветствува на секоја должина на коса со капа, се уредно исчешлани предни прамени и сместени зад увото. Во овој случај капата едноставно навлечете ја одозгора преку ушите и косата, а прамените оставете ги слободно да паѓаат.

Ако се одлучите за кадрава коса и капа, тогаш нема потреба да ја „виткате“ косата од коренот. „Сплесканата“ коса под капата  е речиси неизбежна последица, па според тоа, кадрици обликувајте само од должината на увото, па кон врвовите.

Доколку опавчето е вашиот избор, основен совет е неговата позиција да биде таква да не пречи на работ на капата. Со опавчето можете да си играте - да го наместите на една страна па да го врзете со ластичиња како Бијонсе. Во овој случај кусите предни прамени поставени по должина на лицето, изгледаат мошне ефективно.

Долгата, пуштена коса е најдобро да се стилизира на тој начин што прамените ќе ги сместите до лицето и со капата ќе го прекриете само врвот на главата држејќи ја над ушите.

Разбушавена плетенка или внатрешна плетенка од едната страна е една од најбрзите фризури кои соодветствуваат на секој облик на капа.

Во продолжение погледнете го и туторијалот на оваа тема.